Prenatal diaqnostika — bətndaxili dövrdə patologiyaları aşkar etmək üçün istifadə edilən üsulların cəmidir. O, döldə genetik və digər pozğunluqları yüksək ehtimalla təyin etməyə imkan verir. İnkişaf anomaliyaları təsdiq edildikdə valideynlər hamiləliyin saxlanması barədə qərar qəbul edir. Kompleks müayinələr sayəsində uşağın atası və cinsini praktiki olaraq 100 % dəqiqliklə təyin etmək olur.
Doğuşönü və ya prenatal skrininqə laborator və ultrasəs müayinələri daxildir. Bu müayinələrin məqsədi — doğulacaq uşaqlarda xromosom pozğunluqları riskini təyin etməkdir. Bu skrininq müayinələri vasitəsilə uşaqlarda Daun sindromu, Edvards sindromu, Patau sindromu və bu kimi başqa patologiyaları dəqiqliklə aşkar etmək olar. Bu skrininqi bütün hamilə qadınlar keçməlidir.
Doğuş – təbiət qanunlarına xas olan bir prosesdir. Doğum prosesinin başlamasına az müddət qaldığı zaman ananın və körpənin bədənindəki bütün sistem və orqanlar ona hazırlığa başlayır — ananın bədənində toxumalar elastikləşir, sümüklər azacıq aralanır, körpənin kəllə nahiyəsində sümüklər öz hərəkətliliyi sayəsində doğuş yollarına uyğun olaraq şəklini dəyişmək imkanı qazanır. Bunların hamısı yeni doğulacaq körpənin dünyaya asan və zədəsiz şəkildə gəlməsi üçün baş verir.
İstmiko-servikal çatmamazlıq — gec düşüklərin və erkən doğuşların əsas səbəblərindən biridir. O, bütün hamiləliklərin 9, adəti düşüklərin isə 15-42%-də rast gəlinir. Servikal çatmamazlığın korreksiyası üçün gec dövrlərdə əsasən akuşer pessariləri tətbiq edildiyi halda, daha erkən mərhələlərdə servikal serklyaj istifadə edilir.
Müasir dövrdə mamalığın kifayət qədər yüksək inkişaf səviyyəsinə baxmayaraq, əkiz hamiləliyi olan qadınlar yüksək risk qrupuna daxildir. Çoxdöllü hamiləliyin aparılması və bilavasitə doğuşu adi birdöllü hamiləlikdən fərqlənir, tibb personalından təcrübə və dərin bilik tələb edir.
Hamiləliyin birinci trimestri (1-13-cü həftələr) — ana və gələcək uşaq üçün ən vacib dövrdür. Məhz bu zaman uşağın ürəyi, ağciyərləri, onurğası, başı və ətrafları formalaşır. Bundan başqa, birinci trimestrin sonuna cift və göbək ciyəsi əmələ gəlir. Qadınların əksəriyyəti bu dövrdə öz əhvallarında elə bir dəyişiklik hiss etmir. Üstəlik, çoxları üçün hamiləlik gözlənilməz olur. Çünki, bu barədə yeni xəbər tuturlar. Amma hamiləliyin birinci trimestrində 9 vacib iş var ki, onlara mütləq diqqət yetirmək lazımdır.
Ultrasəs müayinəsi hamilə qadınların müşahidəsində əsas müayinə metodudur. O, ikinci trimestrdə uşaqlıq boynunun ölçü və vəziyyətini qiymətləndirərkən xüsusi əhəmiyyət daşıyır.
Sitomeqalovirus — Yer kürəsində ən çox yayılmış patogen mikroorqanizmlərdən biridir. İnsanların əksəriyyəti yoluxduqları barədə heç bilmir, çünki xəstəlik uzun müddət gizli keçir və aydın kliniki əlamətlər vermir.
Doğuşa qədər inkişafın əsas əlamətlərindən biri uşağın tərpənişləridir. Spontan hərəkətlər artıq embrional dövrlərdə olur. Hamiləlik müddəti artdıqca onların gücü atır, amplitudu isə azalır. Çünki uşaq böyüyür və uşaqlıq boşluğunun daha çox hissəsini tutur. Hamiləliyin son dövrlərində, o, demək olar ki, dəqiqədə bir dəfə tərpənir və hərəki aktivliyi ayıq vaxtının 30%-ini təşkil edir.
Molyar hamiləlik və ya beçəxor — patoloji hamiləliyin bir növü olub, döl yumurtasının nadir rast gəlinən xromosom patologiyasıdır. Əksər hallarda hamiləlik zamanı yaranır və xorion xovlarının maye tərkibli qovuqcuqlara çevrilməsilə xarakterizə olunur. Bu zaman embrionun normal inkişafı mümkün olmur. Təbabətdə inkişaf etməyən embriona mol deyildiyindən, xəstəliyin adına da «molyar hamiləlik» deyilir.
Qanaxma hamiləliyi müşayiət edən geniş yayılmış fəsadlardan biridir. Əksər qadınlarda qanlı ifrazat narahatçılıq, hətta əsl panika törədə bilir. Həqiqətən, ən az qanlı ifrazat belə, dölün sağlamlığı üçün təhlükə olmasından xəbər verir. Amma buna baxmayaraq, həmişə düşük təhlükəsini bildirmir.
“Hamilənin ürəyi bulanmalıdır” məsəli el arasında o qədər geniş yayılıb ki, toksikozu olmayan hamilə qadınlar vəziyyətlərinin belə olmasından şübhələnirlər: axı hamiləlik diskomfort verməlidir! Bəs hamiləlik zamanı toksikoz əlamətlərinin olmaması yaxşıdır, yoxsa, pis? Çalışaq bu məsələyə aydınlıq gətirək.
Hər bir hamilə qadının arzusu hamiləliyini sona qədər başa çatdırıb dünyaya sağlam körpə gətirməkdir. Uşağın yarımçıq doğulmasının mənfi nəticələri hamıya yaxşı məlumdur. Hamiləliyin 40-42 həftəsindən sonra baş verən gecikmiş doğuşlar isə nadir hallarda rast gəlinir. Lakin, o da uşaq üçün təhlükəlidir.
Ana bətnində uşaq özü nə qidalana bilir, nə də nəfəs alır. Başqa sözlə, o, tamamilə ana orqanizmindən asılıdır. Onlar arasındakı əlaqə göbək ciyəsi və ciftlə təmin olunur. Bu orqanlarda patoloji dəyişikliklər dölün oksigen aclığına və inkişafının pozulmasına gətirir.
Normal yerləşmiş ciftin vaxtından əvvəl qopması bütün hamilə qadınların 0,5-1.5%-ində rast gəlinir və ana və uşaq ölümü ilə sıx bağlıdır. O, hamiləliyin həm erkən və gec dövrlərində (57% halda), həm də, doğuşun açılış və qovma mərhələlərində (43%) baş verə bilər. Bu patologiyada normal yerləşmiş cift uşaqlıq divarından vaxtından əvvəl, yəni, doğuş prosesi hələ başlamamış soyulur.
Qadınların cinsiyyət orqanlarındakı dəyişikliklər tsiklik xarakter daşıyır. Əvvəlcə yumurtahüceyrənin böyüməsi və inkişafı baş verir, paralel olaraq uşaqlığın endometrial qişası dəyişir – o, mayalanmış yumurtahüceyrəni qəbul etməyə hazırlaşır. Sonra iki variant mümkündür — ya mayalanma baş verir, ya da endometrium qopub düşür və yeni tsikl başlayır. Follikulometriya yumurtalıqda baş verən dəyişiklikləri izləməyə, ovulyasiya gününü təyin etməyə və ovulyator prosesin patologiyasını aşkar etməyə kömək edir.
Hər bir qadın hələ hamilə qalana qədər müəyyən qadın məsləhətxanasına təhkim olunur. Lakin bəziləri özəl tibb müəssisələrində çalışan həkimlərdə müşahidə olunmağa üstünlük verir. Bu ginekoloq hamiləliyin planlaşdırılması və sonradan aparılmasında kömək etməlidir.
Su axıb sancılar başlayanda artıq şübhə yeri qalmır — doğuş başlayır. Bədən qadına lazımi siqnalları göndərir və bu mövzuda həkimlərin köməyinə ehtiyac belə qalmır. Amma doğuşun başlanmasını göstərən bəzi əlamətlər elə də aydın olmaya bilər. Bu məqaləni ona görə yazmışıq ki, doğuşu gözləyərkən məhz nəyə diqqət yetirməli olduğunuzu biləsiniz.
Akuşer patologiyaları və bəzi somatik xəstəliklər hamiləliyin gedişinə təsir göstərə bilər. Ağır pozğunluqlarda dölün bətndaxili inkişafdan qalması baş verir. Vaxtında başlanmış müalicə ilə bu vəziyyət korreksiyaya tabe olur, ona görə də, risk qrupunda olan hamilələr daimi müşahidə altında olur.
Mamalıq təcrübəsində əlavə funksional müayinə üsulları arasında əsas yerlərdən birini ultrasəs müayinəsi tutur. Onun sayəsində ana və uşaq tərəfindən müxtəlif fəsadların sayı xeyli azalmışdır.
Əməliyyat uğurla başa çatdı. 20 dəqiqə müddətində sizinlə əlaqə saxlayacağıq.
Saytda verilən məlumatlar yalnız informasion xarakter daşıyır. Özbaşına müalicə sizin sağlamlığınıza ziyan vura bilər! Hər bir məsələ barəsində öz müalicə həkiminizlə əlaqə saxlayın.
