Histerekotomiya (uşaqlığın çıxarılması) – ginekoloji əməliyyat olub, uşaqlığın (çox vaxt uşaqlıq boruları və yumurtalıqlarla birlikdə) çıxarılmasına deyilir. Histerektomiya – qadın üçün həm fiziki, həm də emosional çəhətdən çox ağır əməliyyatdır. Beləki, əməliyyatdan sonra, o, özünü bir müddət yarımçıq hiss edir.

Eyni zamanda qeyd edək ki, uşaqlığın çıxrılması qadının həyatını korlayan problemlərdən can qurtarmağa kömək edir. Qadın orqanizminin vəziyyətindən və fərdi xüsusiyyətlərindən asılı olaraq, histerektomiyanı ya qarın divarındakı kəsikdən (abdominal histerektomiya), ya da, uşaqlıq yolundan (vaginal histyerektomiya) çıxarırlar. Daha bir cərrahi üsul – laparoskopik histrektomiyadır. O, qarın divarındakı kiçik dəliklərdən xüsusi cihazların köməyilə aparılır və əməliyatdansonrakı bərpa dövrünü çox qısaldır.

Histektomiaya hansı hallarda aparılır

Uşaqlıq aşağıdakı hallarda çıxarılır:

• cinsiyyət orqanlarının xərçəngi;
• endometrioz;
• fibromalar;
• uşaqlığın sallanması.

Həmçinin, histerektomiyanı menstrual siklin ciddi pozulmalarında və dismenoreyada aparırlar. Bəzən uşaqlığın çıxarılması çanaq orqanlarının ağır iltihabi proseslərində lazım gəlir.

Əksgöstərişlər

Uşaqlığın çıxarılması əməliyyatı sidik-cinsiyyət yollarının kəskin və xroniki xəstəliklərində, cinsi infeksiyalarda, hamiləlik və laktasiya dövründə, ağır psixi pozğunluqlarda aparılmır.

Əməliyyatın nəticəsini dərhal görmək olur: bütün xoşagəlməz əlamətlər bir anda yox olur.

Əməliyyata hazırlıq

Əməliyyatdan öncə pasient tam tibbi müayinə olunur. Müayinə planına qanın və sidiyin ümumi analizi, qanın laxtalanma qabiliyyəti, infeksiyaya görə vaginal yaxma, EKQ daxildir. Göstərişə görə əlavə diaqnostika üsulları və digər həkimlərin konsultasiyası aparıla bilər.

Əməliyyatönü hazırlığın əsas mərhələsi – pasientin ginekoloji kresloda müayinəsidir. Bu zaman qadın bütün subyektiv hissləri barəsində həkimə dolğun-dürüst məlumat verməli və əməliyyatdan öz gözləntilərini söyləməlidir. Qəbulda pasientlə əməliyyatın məqsəd və taktikasını müzakirə etdikdən sonra, gün təyin olunur.

Əməliyyata hazırlıq dövründə qanın laxtalanma sistemini zəiflədən dərman preparatlarının qəbulu dayandırılmalıdır. Bu dərmanlar miqren, menstruasiya, soyuqdəymə hallarında təyin olunur. Həmçinin, əgər pasient hormonal kontraseptivlər qəbul edirsə, həkim onların da dayandırılmasını tələb edə bilər.

Histerektomiyanın növləri

Ümumi (total) histerektomiya uşaqlıq cismi və boynunun eyni vaxtda çıxarılmasına deyilir. Bu əməliyyat həmçinin uşaqlığın artımlarsız ekstirpasiyası adlanır.

Subtotal histerektomiyada yalnız uşaqlıq cismi çıxarılır, boynu isə yerində qalır. Bu əməliyyata başqa adla uşaqlığın amputasiyası deyilir.

Radikal histerektomyada uşaqlıq cismi, boynu, uşaqlıq yolunun yuxarı hissəsi və saxlayıcı bağlar çıxarılır.

Klimaksa qədər uşaqlığın çıxarılma əməliyyatı bir sıra ciddi fəsadlar verə bilər, hansı ki ondan sonra aparılarsa, bu fəsadların qarşısını almaq olar. Bu yaşda olan qadınlarda emosional pozğunluqlarla (depressiya, həyəcan) yanaşı, osteoporoz da müşahidə edilə bilər.

Vaginal histerektomiya

Vaginal histerektomiya zamanı uşaqlıq yolunun yuxarı hissəsində kəsik aparılaraq uşaqlıq çıxarılır. Bu əməliyyat uşaqlıq sallandıqda və kiçik ölçüdə olduqda aparılır. Vaginal histerektomiyadan sonra pasientin bədənində çapıq qalmır. Əməliyyatdan sonra bərpa mərhələsi abdominal histerektomiyaya nisbətən tez və asan keçir.

Abdominal histerektomiya

Abdominal histerektomiya o zaman aparılır ki uşaqlıq böyümüş olsun, iri fibromatoz düyünlər, bitişmə prosesi və endometrioz olsun. Uşaqlıq və yumurtalıq xərçəngində də abdominal histerektomiya aparılır. Uşaqlıq adətən qarnın aşağısında bikini xətti üzrə 10-15 sm uzunluğunda kəsikdən çıxarılır. Uşaqlıq cismi və boynunu uşaqlıq yolunun yuxarı hissəsindən kəsib ayırdıqdan sonra, küdülə tikiş qoyurlar. Abdominal histerektomiyada sidik yollarının zədələnmə ehtimalı azalmış olur, lakin, ondan sonra bərpa dövrü daha uzunu çəkir.

Laparoskopik histerektomiya

Laparoskopik histerektomiya zamanı qarnın ön divarında 3-4 kiçik kəsik aparılır və laparoskop adlanan cihaz bu dəliklərdən qarın boşluğuna daxil edilir. Uşaqlığı kəsib ayırdıqdan sonra xüsusi alətin köməyilə onu xırdalayıb qarın boşluğundan çıxarırlar. Laparoskopik histerektomiyadan sonra uzun müddətli bərpa dövrünə ehtiyac yoxdur, amma, bu üsul abdominal və vaginal histerektomiyadan bahadır.

Histerektomiyadan sonra bərpa dövrü

Histerektomiya ümumi narkoz altında aparıldığından, əməliyyatdan sonra pasientin özünə gəlməsi üçün 1-2 saat vaxt lazımdır. Adi həyata bir neçə həftədən sonra qayıtmaq olur. Bu müddət ərzində qadın müntəzəm olaraq cərrah-ginekoloqun qəbulunda olur. Histerektomiyadan sonra mümkün fəsadlara bütün əməliyyatlarda rast gəlinə biləcək tromboz, qanaxma və infeksion prosesin inkişafını göstərmək olar.

Histerektomiyadan sonra bərpa dövrü təxminən 4 həftədən 8 həftəyə qədər çəkir. Əməliyyatdan sonra mümkün qədər çox dincəlmək vacibdir. İlk 3 gün ərzində temperaturun 37,5 C-yə qədər qalxması normal sayılır. Nadir hallarda əməliyyat prosesində abdominal strukturların zədələnməsi ola bilər. Vaginal histerektomiyadan sonra bəzi qadınlarda bir müddət sidik ifrazı ilə əlaqədar çətinliklər ola bilər.

Histerektomiyadan sonra uşaqlıq yolunun sallanma riski yüksəlir (fiksasiyaedici bağların kəsilməsi səbəbindən). Vaginal və laparoskopik histerektomiyadan sonra bərpa dövrü cəmi 2 həftə çəkir. Adi həyat tərzinə pasient sərbəst gəzməyə başlayan kimi qayıda bilir.

Bizim üstünlüklərimiz

2002-ci ildən bəri praktiki fəaliyyətimizdə 3000-ə yaxın histerektomiya əməliyyatı icra etmişik. Əməliyyatlar həm sadə, həm də, çox mürəkkəb olub.

Klinikamızın müasir cihazlarla təmin olunması bizə əməliyyatların əksəriyyətini xəstə üçün maksimal dərəcədə yüngül keçən az invaziv üsulla aparmağa imkan verir. Həmçinin, orta və kiçik tibb işçilərinin mehriban və qayğıkeş münasibəti pasientlərə bizim klinikanı növbəti dəfə də seçməyə şərait yaradır.

Bizim qiymətlərimiz

Aşağıdakı cədvəldə əməliyyatın təqribi qiyməti verilmişdir. Lakin, o, tez-tez dəyişdiyindən, xahiş edirik son qiyməti dəqiqləşdirmək üçün bizimlə əlaqə (050 890 57 00) saxlayasınız.

Əməliyyatın qiymətinə nə daxildir?

Əlavə heç bir xərc tələb olunmur! Əməliyyatın qiymətinə aşağıdakılar daxildir:

1. Ginekoloq-cərrahın konsultasiyası
2. Əməliyyat paketi — əməliyyatönü analiz və müayinələr
3. Stasionarda qalma və yemək
4. Müasir və təhlükəsiz anesteziya
5. Əməliyyatdan sonra qəbul və sarğı.

Çox verilən suallara cavablar

1. Əməliyyatda hansı ağrısızlaşdırma üsulu istifadə edilir?
   Histerektomiyanın aparılma üsulundan asılı olmayaraq, ümumi endotraxeal narkoz istifadə edilir.
2. Əməliyyat nə qədər çəkir?
   Əməliyyatın aparılma üsulu və həcmindən asılı olaraq — 1,5 saatdan 3 saata qədər davam edə bilər.
3. Stasionarda nə qədər qalmaq lazımdır?
   Adətən stasionarda 2 gün qalmaq kifayət edir. Lazım gələrsə bu müddət artırıla bilər.
4. Adi həyat tərzinə nə vaxt qayıtmaq olar?
   Əməliyyatın aparılma üsulundan asılı olaraq 2-4 həftə ərzində adi həyat tərzinə qayıtmaq olar.
5. Əməliyyat cinsi həata təsir edirmi?
   İlk vaxtlar cinsi həyata mənfi təsir göstərir. Lakin, zaman keçdikcə hissiyyat ərpa olur.

Təklifimiz

Əgər sizə histerektomiya əməliyyatı lazımdırsa və bundan ötrü özünüzə klinika axtarırsınızsa — heç şühəsiz bizi seçə bilərsiniz. Məhz bizim klinikada minlərlə ginekoloji əməliyyat aparmış çox təcrübəli həkim kollektivi çalışır. Bizim klinika ən təhlükəsiz əməliyyatlar icra etməyə imkan verən müasir cihazlarla təchiz olunmuşdur.

Bizim məqsədimiz – sizin sağlamlıq vəziyyətinizi bərpa etmək, həyat keyfiyyətini yüksək səviyyədə saxlamaqdır!