Qadınlarda vaginal axıntı — təbii fizioloji proses olub, cinsi yetişkənlik dövründə başlayır və menopauza dövründə dayanır. Uşaqlıq yolu mikroflorasının əsasını südturşusu bakteriyaları təşkil edir. Onlar uşaqlıq yolunda turş mühiti təmin edir, hansı ki öz növbəsində xəstəliktörədən mikroblara qarşı ölümcül təsir edir.

Qadının həyatının müxtəlif dövrlərində vaginal ifrazat müxtəlif xarakterdə olur və buna aşağıdakı amillər təsir edir:

• menstrual siklin fazaları;
• hamiləlik və doğuşdansonrakı dövr;
• südvermə;
• uşaqlıqdaxili spiralın olması;
• yaş;
• stress;
• cins əlaqələr;
• intim gigiyena;
• sintetik paltarlar;
• qəbul edilən dərman vasitələri və s.

Sadalanan səbəblərdən asılı olaraq ifrazatın miqdarı, şəffaflıq və qatılığı dəyişir. Adi ifrazat şəffaf və duru olur. Rəngi ağımtıl və ya zəif sarımtıl olur. Normal ifrazat qaşınma, göynəmə, qoxu verməməlidir.

Ginekoloji xəstəliklərin əksəriyyəti uşaqlıq yolundan axıntı, göynəmə, qaşınma və digər xoşagəlməz əlamətlərlə müşayiət olunur.

Uşaqlıq yolundan patoloji ifrazata ciddi yanaşmayaa qadınların əksəriyyəti ginekoloqa müraciət etmirlər ki, xəstəlik özü keçib gedəcək. Qeyd edək ki, öz-özünə sağalma hallarının olmasına baxmayaraq, bu, çox az hallarda (əgər orqanizmin müqaviməti yaxşı olarsa) baş verir.

Mövzu barəsində daha ətraflı saytımızda yerləşdirilmiş məqalədə oxuya bilərsiniz.